Տղամարդը ամբողջ գիշեր ծառի վրա է անցկացրել՝ փրկվելով կատաղած շնից։ AP-ը հայտնում է, որ միջադեպը տեղի է ունեցել Հարավային Իլինոյսում։

Մի կին լսել է, թե ինչպես է 38-ամյա տղամարդը օգնություն կանչում։ Նա մնացել էր Բելեւիլի այգու 2,2 մետրանոց ծառի վրա։

Այն բանից հետո, երբ հրշեջները նրան իջեցրել են ծառից, տղամարդը պատմել է, որ իրեն շուն է հետապնդել։ Նա որոշել է թաքնվել ծառի վրա, սակայն ծունկը մնացել է ճյուղերի արանքում, եւ ինքը 11 ժամ անցկացրել է այնտեղ։ Տղամարդը լրջորեն վնասել է ծունկը եւ տեղափոխվել է Սենտ Լուիսի հիվանդանոց։