Կատարի էմիր Թամիմ բեն Համադ ալ Թանին հպատակներին հինգաշբթի՝ նոյեմբերի 14-ի առավոտյան անձրեւի համատարած աղոթքի կոչ է արել, տեղեկացնում է ՌԻԱ «Նովոստի»-ն՝ հղում կատարելով կատարյան QNA լրատվական գործակալությանը։
Չնայած հոկտեմբերից արվող եղանակի կանխատեսումներին, թե հորդառատ անձրեւներ կլինեն, լիարժեք անձրեւ էմիրությունում չի եղել ապրիլից, միայն վերջին շաբաթում թույլ անձրեւ է տեղացել Կատարի առանձին շրջաններում։ Անցած կիրակի անձրեւը մայրաքաղաք Դոհայում հինգ րոպե էլ չտեւեց։
Գործակալության տեղեկատվությամբ՝ էմիրը կոչ է արել աղոթք անել երկրի բոլոր մասերում։ Նա նույնպես կմասնակցի աղոթքին Կատարի մզկիթներից մեկում։
Մուսուլմանների հատուկ աղոթքը անձրեւի մասին արաբերեն կոչվում է «իսթիսկաա», արաբական միապետությունների կառավարիչները հաճախ փորձում են նրա ուժը, երբ չորային տարածաշրջանում կես տարուց ավելի անձրեւներ չեն լինում։ Կատարը ամենաերաշտոտ վայրերից մեկն է աշխարհում, որտեղ մեկ տարում ընդամենը 80 միլիմետր տեղումներ են գալիս (օրինակ, Մոսկվայում տեղումները միջինը 10 անգամ ավելի են)։
Անցյալ տարին էմիրությունում արտասովոր անձրեւային էր, ուժեղ անձրեւներն սկսվեցին հոկտեմբերից, ինչի պատճառով քաղաքների շատ փողոցներ հեղեղվեցին, եւ մարդիկ չէին կարողանում տեղաշարժվել մեքենաներով։