Շվեդիայում մարդկության դեմ հանցագործության եւ 1980-ականների վերջին սպանությունների կասկածանքով Իրանի քաղաքացի է ձերբակալվել, հայտնում է AP-ը։

Դատախազ Կարոլինա Վիսլանդերը հայտարարել է, որ տղամարդը կասկածվում է 1988թ, հուլիսի 28-ից մինչեւ 1988թ․ օգոստոսի 31-ը Թեհրանում հանցագործությունների կատարման մեջ։ Նա այլ մանրամասներ չի ներկայացրել։ Կասկածյալի դատապաշտպանը հայտնել է, որ 58-ամյա տղամարդը պնդում է իր անմեղությունը՝ հավելելով, որ «նրանք այն մարդուն չեն բռնել»։

Տղամարդը շաբաթ օրը ձերբակալվել է Ստոկհոլմի միջազգային օդանավակայանում։