Հանձնարարական է եղել, քանի որ մտավախություններ կան եւ դրա մասին բարձրացնում է հարց, ուսումնասիրել եւ կոնկրետ պատասխան տալ։ Այդ մասին այսօր՝ նոյեմբերի 14–ին, լրագրողների հետ զրույցում ասաց Անվտանգության խորհրդի քարտուղար Արմեն Գրիգորյանը՝ անդրադառնալով վարչապետ Նիկոլ Փաշինյանի հանձնարարականին ԱԱԾ–ին, որի համաձայն վերջինս պետք է պարզի որոշ շրջանակների ու սատանայի համագործակցության ձևերն ու ուղիները:
«Կան քաղաքական ուժեր եւ անհատներ, որ դրանով մտահոգված են եւ անհրաժեշտություն կա անդ մտահոգությունները փարատել», – ասաց Գրիգորյանը։
Նշենք, որ կառավարության այսօրվա նիստում վարչապետ Նիկոլ Փաշինյանը հայտարարեց, որ ԱԱԾ-ին հանձնարարական է տվել պարզել որոշ շրջանակների ու սատանայի համագործակցության ձևերն ու ուղիները:
«Առանց կատակի, ես էդպիսի հանձնարարական տվել եմ: Ծիծաղում եք, բայց, իրոք, եթե կա պնդում, դա անվտանգության խնդիր է», - ասաց նա, կոչ անելով ԱԱԾ տնօրենի ժամանակավոր պաշտոնակատարին հաստատել, որ նման հանձնարակական են ստացել: