2020-ին հետբուհական եւ մասնագիտական կրթության համար ծախսերը կմեծանան ավելի քան 263 մլն դրամով: Այս մասին ասվում է 2020-ի պետբյուջեի նախագծում:

2020-ի պետբյուջեի նախագիծը ենթադրում է ՀՀ կրթության, գիտության, մշակույթի եւ սպորտի նախարարության կողմից իրականացվող 21 ծրագրերի եւ 176 միջոցառումների ֆինանսավորում: Գերատեսչությանը ծրագրվում է տրամադրել 179 մլրդ 459 մլն դրամ՝ 2019-ին տրամադրված 158 մլրդ 886 մլն դրամի փոխարեն: Այդ մասով պետբյուջեի ծախսերն ավելացել են 20 մլրդ 572 մլն դրամով, ինչը կազմում է 12,9%-ը: