Twitter-ի օգտատերն իր միկրոբլոգում հրապարակել է իր 10-ամյա դստեր սուրբծննդյան ցուցակը: Ցուցակի երկարությունն ու թանկությունը զվարճացրել եւ ապշեցրել է ոչ միայն իրեն, այլ նաեւ բազմաթիվ օգտատերերի:

«Հավանաբար, իմ 10-ամյա աղջիկը խելագարվել է»,- գրել է հայրը՝ կցելով ցուցակի լուսանկարը:

Սուրբծննդյան ցանկությունների երկար ցուցակում են՝ նոր Iphone11, MacBook նոութբուք, Chanel օծանելիք, կոսմետիկա, ականջօղեր, կոշիկներ, ճագար, հագուստ եւ 4000 դոլար:

Օգտատերերին զվարճացրել է աղջկա ցուցակը, որոշները նույնիսկ զվարճալի ենթադրություններ են արել, թե ինչու է 10-ամյա աղջկան 4000 դոլար անհրաժեշտ: