ԱՄՆ նախագահ Դոնալդ Թրամփը անսպասելի պաշտպանել է իր քաղաքական հակառակորդ Ջո Բայդենին թվիթում, որն ուղղված է եղել ԿԺԴՀ առաջնորդ Կիմ Չեն Ընին, հաղորդում է Associated Press-ը:

Ավելի վաղ Կիմ Չեն Ընը հայտարարել է, որ Դեմոկրատական կուսակցությունից ԱՄՆ նախագահի թեկնածու Ջո Բայդենը «կատաղած շուն է, որին պետք է փայտով մահու չափ ծեծել»:

Թրամփը գրել է Կիմ Չեն Ընին, որ Բայդենը «կարող է քնկոտ լինել եւ շատ դանդաղկոտ, սակայն նա կատաղած շուն չէ եւ դրանից ավելի լավն է»:

Ընդ որում, Թրամփը Ընին խորհուրդ է տվել ավելի արագ գործել, գործարք կնքել:

«Մինչ հանդիպում»,- Հյուսիսային Կորեայի առաջնորդին ուղղված իր ուղերձը եզրափակել է Թրամփը: