ԱՄՆ նախագահ Դոնալդ Թրամփը հայտարարել է, թե հնարավոր է, որ երկուշաբթի ուզենա գրավոր ցուցմունքներ տալ Ներկայացուցիչների պալատում՝ իմպիչմենթի շրջանակներում, հայտնում է Associated Press-ը։
Իր թվիթներում Թրամփը նշել է, թե ինքը «լրջորեն մտածում է» իմպիչմենթի շրջանակներում գրավոր ցուցմունքներ տալու մասին Ներկայացուցիչների պալատի խոսնակ Նենսի Փելոսիի առաջարկի շուրջ։
«Նա նաեւ ասաց, որ ես կարող եմ գրել այն։ Նույնիսկ չնայած նրան, որ ես որեւէ վատ բան չեմ արել, եւ ինձ դուր չի գալիս տրվել այս կեղծիքին առանց պատշաճ դատական քննության, ինձ դուր է գալիս այդ գաղափարը, եւ ես կանեմ դա, որպեսզի ստիպեմ Կոնգրեսին կենտրոնանալ, լրջորեն մտածել»,- գրել է Թրամփը։