Նոյեմբերի 19-ին Ազգային ժողովում ավարտվել է Կոռուպցիայի կանխարգելման հանձնաժողովի անդամների ընտրության գաղտնի քվեարկությունը, հաղորդում է NEWS.am-ի թղթակիցը:
Հիշեցնենք, որ հանձնաժողովի անդամները պետք է լինեն 5-ը. առաջինը պետք է ներկայացնի կառավարությունը, երկրորդը՝ «Իմ քայլը», երրորդը՝ «Բարգավաճ Հայաստանը», չորրորդը՝ «Լուսավոր Հայաստանը» եւ հինգերորդը՝ Բարձրագույն դատական խորհուրդը:
Քվեարկության արդյունքների համաձայն՝ Կոռուպցիայի կանխարգելման հանձնաժողովում կառավարությունը կներկայացնի Լիլիթ Ալեքսանյանը, «Իմ քայլը»՝ Էդգար Շաթիրյանը, «Բարգավաճ Հայաստանը»՝ Նարեկ Համբարձումյանը, «Լուսավոր Հայաստանը»՝ Հայկուհի Հարությունյանը եւ Բարձրագույն դատական խորհուրդը՝ Արամայիս Փաշինյանը: