Իտալիայում ընտանի կենդանիների իրավունքները ցանկանում են հավասարեցնել երեխաների իրավունքներին, հաղորդում է Lenta-ն՝ հղում անելով Giornale-ին:
Փաստաթղթում նշվում է, որ կենդանիների կարգավիճակը պետք է բնութագրել որպես «զգացմունքներ ունեցող արարածների» կարգավիճակ, իսկ շներն ու կատուները «ոչ թե օբյեկտ են, այլ կենդանի էակներ»: Իտալական գործակալությունը նշում են, որ նման ձեւակերպումները փաստացի հավասարեցնում են ընտանի կենդանիների իրավունքները երեխաների իրավունքներին:
Եթե նորմը ներառվի քաղաքացիական օրենսգրքում, ապա կենդանիների տերերը պարտավոր կլինեն կենդանիների համար ապահովել պատշաճ կյանք՝ բոլոր կարիքներին համապատասխան: Այսպիսով, ամուսնալուծվելու դեպքում դատարանը կորոշի՝ ում հետ թողնի ընտանի կենդանուն: Շները կկարողանան հավասար հիմունքներով գնալ եկեղեցի եւ այլ հանրային հաստատություններ՝ ընտանիքի մյուս անդամների հետ հավասար, իսկ «թոշակի անցած» ոստիկանական շները շները ցմահ թոշակ կստանան: Օրինագծով նաեւ արգելվում է ընտանի կենդանուն տիրոջից բաժանելը. եթե տերը մահանա, կենդանիներին կհետեւեն նրա հարազատները:
Իտալիայում արդեն նման օրենքներ են գործում. կենդանիների հետ վատ վերաբերմունքի համար խոշոր տուգանքներ եւ պատիժ է սահմանվում: Կառավարությունը թույլ է տալիս հասարակական տրանսպորտում շների տեղափոխել, կենդանիների համար հյուրանոցներ կառուցել, ինչպես նաեւ շների համար նախատեսված լողափեր է կառուցում: