Ադրբեջանի նախագահ Իլհամ Ալիեւը ստորագրել է կարգադրություն Միլի մեջլիսը ցրելու եւ արտահերթ խորհրդարանական ընտրություններ նշանակելու մասին, տեղեկացնում է ԱզերԹաջը։
Կարգադրության համաձայն՝ արտահերթ խորհրդարանական ընտրությունները նշանակված են 2020 թվականի փետրվարի 9-ին։
«Ադրբեջանի Սահմանադրության 98 հոդվածի առաջին մասի եւ 109 հոդվածի առաջին մասի համաձայն՝ ցրել խորհրդարանը, 2020 թվականի փետրվարի 9-ին նշանակել արտահերթ խորհրդարանական ընտրություններ»,- ասվում է փաստաթղթի տեքստում։
Հիշեցնենք, որ Միլի մեջլիսի լուծարումը նախաձեռնել է կառավարող «Ենի Ազերբայջան» կուսակցությունը։