Որքա՞ն է արժեցել Գորան Բրեգովիչին Երեւան հրավիրելը մեր բյուջեի վրա: Այս մասին Երեւանի ավագանու նիստում հարց ուղղեց ԲՀԿ խմբակցության անդամ Հռիփսիմե Առաքելյանը:
Նա նկատեց, որ Ամանորի միջոցառումների համար կառավարությունը հատկացնում է 271 մլն դրամ, իսկ Երեւանի բյուջեից կհատկացվի 54 մլն դրամ: «Որքան է հոնորարը Բրեգովիչի եւ ինչպես եք որոշել, որ Ամանորի գիշերը մեզ մոտ հյուրընկալվեր Բրեգովիչը եւ ոչ մեկ ուրիշը: Չհաշված այն, որ Բրեգովիչը աշխարհահռչակ ու տաղանդավոր երաժիշտ է, սակայն հայ հանրության համար ոչ այնքան հայտնի»,-ասաց Առաքելյանը:
Փոխքաղաքապետ Հրաչյա Սարգսյանը նշեց, որ ինքը տեղյակ չի հոնորարի չափից, քանի որ ընկերությունն է կազմակերպում Բրեգովիչի ելույթը եւ ընդհանուր արժեքի մեջ թե որքան է կազմում հոնորարաը, առանձին նշել չեմ կարող. «Եթե կարիք կա, գրավոր կարող եք դիմել, կպատասխանենք»: