Դեկտեմբերի 9-ին ԱԺ նիստի ժամանակ իշխող «Իմ քայլը» դաշինքի պատգամավորները «Բանկային գաղտնիքի մասին» օրենքում փոփոխություններ կատարելու մասին օրինագծի քվեարկության ժամանակ 20 րոպեանոց ընդմիջում վերցրին, ԱԺ-ից փոխանցում է NEWS.am-ի թղթակիցը:

Նշենք, որ այս օրինագիծը քննարկվել է 1-ին ընթերցմամբ եւ նախատեսում է այսուհետեւ չհրապարակել բանկերին պարտք անձանց եւ ընկերությունների անունները, ինչպես արվում է այսօրվա դրությամբ: Խոսքը, մասնավորապես, չարամիտ պարտառուների մասին է:

Հիշեցնենք, որ օրինագիծը ներկայացրել էր «Բարգավաճ Հայաստան» կուսակցության խորհրդարանական խմբակցությունը: