Ղրիմում Թեոդոսիայում սկսել են կառուցել էլիտար բնակելի համալիր ուղիղ հայկական գերեզմանոցի վրա, որի մոտ գտնվում է Սուրբ Գեւորգ հայկական եկեղեցին: Պաշտոնյաները թույլտվություն են տվել, սակայն այն, որ դա միջնադարյան եկեղեցու պահպանվող գոտի է, ոչ ոքի չի մտահոգել, հայտնում է НТВ-ն:
Էլիտար բնակելի համալիրը սկսել են կառուցել հնագույն հայկական գերեզմանոցի տեղում: Նախապես ոչ ոքի չի մտահոգել, որ դա միջնադարյան եկեղեցու պահպանվող գոտի է: Պաշտոնյաները թույլտվություն են տվել, շինարարներն էլ աշխատանքը սկսել են: Բայց երբ բուլդոզերի տակ են հայտնվել շիրիմների տապանաքարերը, նախնիների հիշատակը պաշտպանելու է դուրս եկել ամբողջ հայկական սփյուռքը:
Շինթույլտվությունը տվել էր դեռեւս Ուկրաինայի իշխանությունը, փաստաթղթերը թվագրված են 2006 թվականով:
Թեոդոսիայում հայերը բնակվում են 13-րդ դարից: Քաղաքում մեծ թվով հայկական տաճարներ կան, որոնց մի մասը դաշնային կարգավիճակ ունի: