Շաբաթ Հյուսիսային Կորեան հայտարարել է մեծ հեռահարությամբ հրթիռների համար նախատեսված հրաձգարանում հաջող թեստավորման անցկացման մասին, հայտնում է Fox News-ը:
Հեռուստաալիքը նշում է, որ Հյուսային Կորեան այս հայտարարությամբ հանդես է եկել ԱՄՆ նախագահ Դոնալդ Թրամփի վարչակազմի վրա շարունակվող ճնշման ֆոնին, որի նպատակն է երկրի առաջնորդ Կիմ Չեն Ընի սահմանած ժամկետը լրանալու նախաշեմին խոշոր զիջումների հասնելը՝ երկրների միջեւ միջուկային բանակցությունները փրկելու համար:
Հյուսիսային Կորեայի Պաշտպանական գիտության ակադեմիան չի հստակեցրել, թե կոնկրետ ինչ թեստավորում է կատարվել: