Թուրքմենստանի նախագահ Գուրբանգուլի Բերդիմուհամեդովն անցկացրել է սպորտային մարզում ուժային կառույցների ղեկավարների համար Օլիմպիական քաղաքի համալիրում, հաղորդում է Tengrinews.kz-ը՝ հղում կատարելով «Զոլոտոյ վեկ» պաշտոնական տեղեկատվական գործակալությանը:
Օլիմպիական քաղաքի սպորտային համալիրում Թուրքմենստանի նախագահն այցելել է բոուլինգ խաղալու սրահ եւ անցկացրել մարզում մարզասրահում՝ կատարելով մի շարք ուժային վարժություններ: Մարզման ժամանակ ներկա են գտնվել Ազգային անվտանգության նախարարը, ՆԳ նախարարը, գլխավոր դատախազը, մաքսատան ղեկավարը եւ այլ բարձրաստիճան պաշտոնյաներ: