Բոթսվանի իշխանությունները զրկել են արտոնագրից երկու պրոֆեսիոնալ որսորդների, որոնք սպանել են հատուկ պահպանվող փղին, հաղորդում է BBC News-ը:
Որսորդներ Լի Փոթերն ու Քեւին Շարփն ինքնակամ հանձնել են իշխանություններին իրենց արտոնագրերը:
Նշվում է, որ Բոթսվանում մայիսին սահմանվել էր փղերին կրակելու արգելք մարդկանց եւ կենդանիների միջեւ աճող կոնֆլիկտի հետեւանքով:
Այդուհանդերձ, այդ երկու որսորդների կողմից սպանված փիղը գտնվում էր հատուկ պահպանության ներքո, քանի որ մասնակցում էր հետազոտություններին:
Որսորդները տեղեկացել են, որ փիղն «առանձնահատուկ» է միայն սպանելուց հետո, երբ տեսել են կենդանու վզից կախված հատուկ վզկապը:
Ինչպես նշում է հեռուստաալիքը, ներկայումս Բոթսվանում կա շուրջ 130 000 փիղ: Կենդանիներին կրակելու արգելքը սահմանվել էր կենդանիների աճող ագրեսիայի հետեւանքով, որոնք երբեմն ներխուժում էին տեղաբնակների ֆերմաներ եւ սպանում նրանց: