Սպիտակ տան Ազգային անվտանգության խորհրդի Ռուսաստանի եւ Եվրոպայի հարցերով ավագ տնօրեն Էնդրյու Պիկը հրաժարական է տվել, գրում է Bloomberg-ը՝ վկայակոչելով իրավիճակին ծանոթ աղբյուրին:
Պարբերականը գրում է, որ Պիկը Սպիտակ տան սահմաններից դուրս է բերվել:
Ընդ որում՝ Սպիտակ տան ԱԱԽ մամուլի ծառայությունը եւ ինքը՝ Էնդրյու Պիկը, հրաժարվել են մեկնաբանել այդ տեղեկատվությունը:
Պիկը երրորդ մարդն է, որը հեռացել է Սպիտակ տան ԱԱԽ ավագ տնօրենի պաշտոնից շուրջ մեկ տարվա ընթացքում: Նա նշանակվել էր այդ պաշտոնում նոյեմբերին: