Յուտա ամերիկյան նահանգում մահացու հրաձգության մեջ անչափահաս է կասկածվում, հաղորդում է Fox News-ը՝ հղում կատարելով ոստիկանությանը:
Գրանթսվիլ քաղաքում դեպքի հետեւանքով զոհվել է երեք երեխա եւ մեկ կին: Հինգերորդ տուժածը դեռեւս գտնվում է հիվանդանոցում:
Նշվում է, որ բոլոր զոհերը միեւնույն ընտանիքի անդամներ էին: Հրաձգությունը կատարվել է նրանց տանը:
Կասկածյալի անունը գաղտնի է պահվում:
Հայտնի է միայն, որ նրան առաջադրվել է 10 մեղադրանք՝ ներառյալ ծանրացնող հանգամանքներով սպանությունը:
Ավելի վաղ հաղորդվել էր, որ Յուտա նահանգի Գրանթսվիլ քաղաքի տներից մեկում կատարված հրաձգության հետեւանքով զոհվել է չորս մարդ: