Մենք անընդհատ ենք գալու, մինչեւ որ այս իշխանությունները չհասկանան, որ Արմեն Թավադյանին կալանավորելով կալանավորել են մեր խոսքի ազատության իրավունքը, կալանավորել են Հայաստանի Հանրապետության մամուլը։ Այս մասին այսօր՝ հունվարի 20-ին, լրագրողների հետ զրույցում ասաց Արմեն Թավադյանի աջակից Գագիկ Բաղդասարյանը։
«Բարոյական որակներից գաղափար չունեցող այս իշխանությունները չեն հասկանում, որ այս քաղաքականությունը, որն իրենք տարիուկես վարում են ոչ մի հեռանկար չունի եւ բռնություն գործադրելով մամուլի նկատմամբ՝ հնարավոր չէ լռեցնել մարդկանց եւ հատկապես այն մարդկանց, որոնք պայքարում են արդարության համար։ Այս խարդախ, թրաշամանուկների իշխանություններն այս գործելաոճով երկար չեն դիմանալու»։