ԱՄՆ նախագահ Դոնալդ Թրամփին չի վախեցնում Facebook-ի գլխավոր տնօրեն Մարկ Ցուկերբերգը որպես ԱՄՆ նախագահի պաշտոնի մրցակից:
«Լսել եմ, որ նա պատրաստվում է առաջադրվել նախագահի պաշտոնում: Չեմ կարծում, որ դա չափից ավելի սարսափելի կլիներ»,- ասել է Թրամփը CNBC-ի հետ հարցազրույցում: «Բայց նա հետեւում ունի այդ հրեշին»,- ասել է Թրամփը՝ նկատի ունենալով Facebook սոցցանցը, որը բախվում է բազմաթիվ հակամենաշնորհային հետաքննությունների:
2017 թվակակին լուրեր էին շրջանառվում, որ սոցցանցի համահիմնադիր Ցուկերբերգը մտածում է իր թեկնածությունն առաջադրելու մասին այն բանից հետո, երբ Ջոել Բենենսոնին աշխատանքի էր ընդունել իր բարեգործական նախագծում: Բենենսոնը խորհրդատվություն է տրամադրել նախկին նախագահ Բարաք Օբամային եւ 2016 թվականին Հիլարի Քլինթոնին նրա նախագահական քարոզարշավի ժամանակ: Դրանից բացի, Ցուկերբերգը ԱՄՆ-ով շրջագայության է մեկնել եւ աշխատանքի վերցրել Չառլզ Օմանիին, որը Ջորջ Բուշի եւ Բարաք Օբամայի նախագահական քարոզարշավների լուսանկարիչն էր:
Սակայն Ցուկերբերգն ինքը հերքում է, որ ցանկանում է նախագահի թեկնածու առաջադրվել: