ՀՀ վարչապետ Նիկոլ Փաշինյանն այսօր՝ հունվարի 25-ին, ամփոփիչ ասուլիսի ժամանակ մանրամասնել է, թե ինչ գործի շրջանակներում է հարցաքննվել երեկ Հատուկ քննչական ծառայությունում։
«Հիշում եք, կամ գուցե չեք հիշում, որ 2010 թվականին «Կոշ» քրեակատարողական հիմնարկում դիմակավորված անձինք իմ վրա հարձակում էին գործել։ ես ճիշտն ասած, որ դարձա վարչապետ, հիշեցի էդ գործի մասին, մտածում է՝ ես էդ գործով հիմա պետք է հետաքրքրվեմ, թե չպետք է հետաքրքրվեմ,հետո մտածեցի՝ լավ դե, ամոթ ա հիմա, մեկ էլ պիտի ասեն՝ սկսել է իր անձնական գործերով զբաղվել։ Եվ էս վերջերս պարզվեց, որ մի քաղաքացի, չեմ կարող ասել՝ ով, իր նախաձեռնությամբ, չգիտեմ ինչ պատճառով դիմում է գրել և ասել է, որ գիտի, թե ով է կազմակերպել այդ հարձակումը, գնացել ա, ցուցմունք ա տվել, տվել է կոնկրետ մարդկանց անուններ և այդ փաստի կապակցությամբ գործ է հարւոցվել,ինձ կանչել էին հարցաքննության, ինձ տուժող են ճանաչել»,-նշեց նա։