ԵՄ դիվանագիտության ղեկավար Ջոզեպ Բորելը զգուշացրել է Լիբիայում բռնության վերսկսման մասին եւ միջազգային հանրությանը կոչ արել ճնշում գործադրել Լիբիայի վրա՝ հակամարտությանը վերջ տալու համար, հաղորդում է Bloomberg-ը:
Նա հայտարարել է, որ վերջին իրադարձությունները «լուրջ մտահոգություն են առաջացնում», եւ Բեռլինում հունվարի 19-ին կայացած համաշխարհային առաջնորդների հանդիպումը չկանգնեցրեց Լիբիայում քաղաքացիական պատերազմը:
«Մենք բոլորս գիտեինք, որ բեռլինյան համաժողովի արդյունքը չի հանգեցնի ավտոմատ իրականացման: Բոլորս գիտեինք, որ դա համաձայնագիր չէ, որն ուժի մեջ կմտնի վաղը»,- ասել է նա Բեռլինում Գերմանիայի արտաքին գործերի նախարար Հեյկո Մաասի հետ համատեղ ասուլիսի ժամանակ:
Եվրոպայի համար քարտեզի վրա է դրված խոշոր նավթարտադրողի կայունությունն ու Ռուսաստանի եւ Թուրքիայի աճող ազդեցության սպառնալիքը, որոնք արդյունավետ վերահսկում են այն, ինչ տեղի է ունենում Լիբիայում: Այն գաղափարը, որպեսզի Եվրոպան սեփական ռազմական ներկայությունն ունենա Լիբիայում, հեռու է կոնսենսուսից եւ առաջին հերթին պահանջում է արդյունավետ հրադադարի ռեժիմ: