ԼՀԿ ղեկավար Էդմոն Մարուքյանն ընտրվել է ԵԽԽՎ ամենակարեւոր հանձնաժողովներից մեկի` Մարդու իրավունքների եւ իրավական հարցերի հանձնաժողովի նախագահի առաջին տեղակալ: Այս մասին ֆեյսբուքյան իր էջում գրել է Էդմոն Մարուքյանը։
Գրառման մեջ, մասնավորապես, ասել է.
«Լավ լուր ԵԽԽՎ-ից
Այսօր ընտրվել եմ ԵԽԽՎ ամենակարեւոր հանձնաժողովներից մեկի` Մարդու իրավունքների եւ իրավական հարցերի հանձնաժողովի նախագահի առաջին տեղակալ: Հանձնաժողովի նախագահն ունի 3 տեղակալներ:
Թեկնածություս ներկայացվել էր ԵԽԽՎ
Լիբերալների եւ Ժողովրդավարների Ալյանսի (ALDE) քաղաքական խմբի կողմից: Մարդու իրավունքների եւ իրավական հարցերի հանձնաժողովը բաղկացած է 91 անդամից, ովքեր ներկայացնում են ԵԽ 47 անդամ պետությունների ազգային խորհրդարանները: Հանձնաժողովն ունի 3 ենթահանձնաժողովներ»: