ԱՄՆ-ը հաստատել է, որ Աֆղանստանում ամերիկյան ՌՕՈՒ ինքնաթիռ է ընկել։ ՌՕՈՒ շտաբի պետ Դեյվ Գոլդֆեյնը CNBC-ին հաստատել է, որ ռազմական Bombardier E-11 ինքնաթիռ է ընկել։

Օդանավը վթարի է ենթարկվել Աֆղանստանի կենտրոնական Գազնի շրջանում։ Նախնական տվյալներով՝ ինքնաթիռի մեջ բոլոր գտնվողները զոհվել են։ Վթարը տեղի է ունեցել թալիբների վերահսկողության տակ գտնվող տարածքում։ Գոլդֆեյնը չի կարողացել հաստատել, թե արդյոք ինքնաթիռը գնդակոծվել է թշնամու կողմից, եւ չի կարողացել տեղեկատվություն տալ պոտենցիալ զոհերի մասին։