Վրաստանի քաղավիացիայի գործակալությունը կորոնավիրուսի պատճառով մինչեւ մարտի 29-ը դադարեցրել է Չինաստանի հետ ավիահաղորդակցությունը:
«Կանխարգելիչ միջոցառումների շրջանակում Վրաստանի կորոնավիրուսի տարածումը կանխելու համար ժամանակավորապես արգելվել է Չինաստանի Ժողովրդական Հանրապետության հետ ուղիղ ավիահաղորդակցությունը: Այս մասին արդեն տեղեկացվել են ավիաիշխանություններն ու ՉԺՀ համապատասխան ավիաընկերությունները: Սահմանափակումները կգործեն մինչեւ մարտի 29-ը»,- ասվում է գերատեսչության հաղորդագրության մեջ:
Գործակալությունը հավելել է, որ ավիահաղորդակցության ժամանակավոր դադարեցումը կարող է վերանայվել՝ կախված վիրուսի տարածման տեմպերից:
Վրաստանի եւ Չինաստանի միջեւ շաբաթական երեք անգամ մշտական ուղիղ չվերթներ են իրականացվում Թբիլիսի-Ուրումչի երթուղով: