Յուրաքանչյուր գործընթաց պետք է կատարվի եւ իրականացվի օրենքի շրջանակում։ Այս մասին ՀՀ Ազգային ժողովում ավանդական ճեպազրույցների ժամանակ հունվարի 29-ին ասաց «Բարգավաճ Հայաստան» կուսակցության պատգամավոր, ԲՀԿ առաջնորդ Գագիկ Ծառուկյանի մամուլի քարտուղար Իվետա Տոնոյանը՝ մեկնաբանելով Սահմանադրական դատարանի շուրջ ծագած իրավիճակը։
Նրա խոսքով՝ ՍԴ նախագահ Հրայր Թովմասյանը կարող է օբյեկտիվ կամ սուբյեկտիվ մոտեցումներ ունենալ, իսկ իշխանություններն այդ ընթացքում կարող են վստահ լինել, որ իրենց գործողությունները ճիշտ են։
«Բայց ես համոզված եմ, որ եթե Սահմանադրական դատարանի անդամներին վաղաժամ թոշակի ուղարկելու գործիքանին անհաջողության մատնվի, կառավարությունը կփնտրի եւ կօգտագործի այլ գործիքներ»,- նշեց պատգամավորը։