Պաշտպանության նախարարը հրավիրել էր որպես գործընկեր, ես էլ գնացել էի մասնակցելու: Այս մասին ԱԺ-ում լրագրողների հետ զրույցում նշեց պաշտպանության նախկին նախարար Սեյրան Օհանյանը՝ անդրադառնալով նախօրեին Վարդենիսում Բանակի 28-ամյակի միջոցառումներին իր մասնակցությանը:
«Իմ հարազատ բանակի տոնակատարությունն էր, ինչպես կարող էի չմասնակցել»,-ասաց նա:
Հարցին, թե ինչ հարաբերություններ ունի գործող իշխանությունների հետ, Սեյրան Օհանյանը պատասխանեց. «Ինչպես կարող է հայը հայի հետ նորմալ հարաբերություններ չունենալ: Համագործակցում ենք այս հանձնաժողովի շրջանակներում»:
Դիտարկմանը, որ 2008-ի մարտի 1-ին հայը կրակեց հայի վրա, նա արձագանքեց. «Մարտի 1-ի վերաբերյալ դատաիրավական գործընթացը այդ ամենի պատասխանը կտա»: