Հայաստանում ակտիվորեն ռեպրեսիվ մեխանիզմներ են ներդրվում: Այս մասին՝ «Քաղտնտեսություն» հետազոտական ինստիտուտի կողմից կազմակերպված «Սահմանադրական անվտանգությունը, մարտահրավերները եւ լուծումները» քննարկման ժամանակ ասաց «Այլընտրանքային նախագծեր» խմբի անդամ Էլինար Վարդանյանը:
Փորձագետը նշեց լրատվամիջոցների վրա իրականացվող ճնշումը, բազմաթիվ ֆեյքերի հայտնվելը, փաստաբանների նկատմամբ հետապնդումները, որոնք համարձակվել են պաշտպանել նշանակված մեղավորներին եւ հանդես գալ երկրում տեղի ունեցող գործընթացների իրավական կողմի վերլուծությամբ եւ քննադատությամբ: «Սրանք ռեպրեսիվ մեխանիզմների գործիքներ են: Եթե դրանք տարբերվում են 37-ին կիրառվածներից, դա չի նշանակում, որ դրանք այժմ չկան», - նշեց Վարդանյանը ՝ հավելելով, որ իշխանությունները դանդաղ մի խմբից կանցնեն մյուսին: Փորձագետը նշեց, որ միջազգային կառույցները նախնական գնահատականներ են տվել, եւ ապագայում կարել է ավելի կոշտ գնահատական եւ, հնարավոր է, նաեւ գործողությունների սպասել:
«Ակնհայտ է, որ իշխանությունները չափազանց էժան հռետորաբանության կգնան: Ապրիլի 6-ին հասարակությունն էլ ավելի պառակտված կլինի. հարկավոր է մտածել դրա դեմ պայքարի միջոցների մասին:
Իշխանություններին ընտրազանգվածի կորուստ է սպասվում` որակական առումով: Ապրիլի 6-ից հետո սահմանադրական ճգնաժամի մասին իշխանությունների կողմից ստեղծված առասպելը իրականություն կդառնա: Եթե հանրաքվեն ընթանա իշխանությունների սցենարի համաձայն, երկիրը երկար ժամանակ ՍԴ չի ունենա` իր բոլոր հետևանքներով: Տպավորություն է ստեղծվում, թե հանրաքվեն ծուղակ է հենց իշխանությունների համար, որի մեջ նրան ընկել ել կամ գիտակցաբար, կամ պատահական»,- նշեց Վարդանյանը:
Նրա խոսքով` 650 հազար «կողմ» ձայն ապահովելը բարդ խնդիր է, մանավանդ, հատկապես եթե գնում եք օրինական ճանապարհով: «Բայց կարելի է դիմել կեղծիքների, ինչը քաղաքական եւ բարոյական ինքնասպանության կհանգեցնի»,- շեշտեց Վարդանյանը՝ հիշեցնելով, որ 2 տարվա ընթացքում որեւէ քայլ չի ձեռնարկվել կեղծիքների բացահայտման եւ վերացման համար:
«Միֆ ստեղծելով սահմանադրական ճգնաժամի մասին՝ իշխանություններն իրենք են աշխատում «նախկինների» հետ: Բոլորովին վերջերս հրապարակումներ պատգամավոր Նիկոլ Փաշինյանի` Գլխավոր դատախազի, ԿԸՀ ղեկավարի եւ նախագահի մասին ելույթներից: Հիմա ինչպե՞ս է նա նրանց գործընկերներ համարում: Իշխանությունները դա պարզ են բացատրում. նրանք դեմ չեն եղել իշխանություններին»,- նշեց փորձագետը՝ շեշտելով, որ նախագահի հույս դնելու կարիք չկա:
Չբացառելով նույնիսկ ավելի ծանր ցնցումների հնարավորությունը` Վարդանյանը նշեց, որ «Այո» -ի շտաբում լիովին չեն հասկանում անհասկանալի նպատակի համար հսկայական գումարի ծախսումը: