Մենք դեմ ենք կարգավորման փուլային տարբերակին: Այս մասին իր ֆեյսբուքյան էջում գրել է ՀՀԿ մամուլի խոսնակ Էդուարդ Շարմազանովը` անդրադառնալով Մյունխենում այսօր տեղի ունեցած Փաշինյան-Ալիեւ բաց քննարկմանը:

«Նայեցի՞ք Փաշինյան-Ալիեւ բանավեճը:

Մի քանի րոպեում այդքան ինքնագոլ Հայաստանի եւ Արցախի դարպասներին:

Պետք է ասվեր, բայց չասվեց՝

մենք դեմ ենք կարգավորման փուլային տարբերակին,

Արցախը երբեք չի լինելու Ադրբեջանի կազմում,

եթե 2 թուրքական պետություն կարող է լինել, ապա 2 հայկական պետություն պետք է լինի: Սրան այլընտրանք չկա,

Coca Cola-ն 32 տարի հին է Ադրբեջան պետությունից,

եւ վերջապես, հայերեն խոսելն ամոթ չէ, ավելի լավ է լավ մայրենին, քան վատ անգլերենը,

մի բան էլ. Տիգրան Մեծից խոսելուց առաջ, հիշիր, որ եղել է Բոսպորի թագավորություն, հռոմեական կայսրություն : Պատմությունից կլինի՞ դու չխոսես, այ ախպեր:

Հ.Գ. Պոպուլիզմը Մյունխենի համաժողովում չաշխատեց»,- գրել է նա: