Բելգիական Գենտում հնագետները Սուրբ Բավոնի եկեղեցու մոտ պեղումներ կատարելիս հայտնաբերել են պատեր, որոնք հավաքված են մարդկային ոսկորներով, հայտնում է The Brussels Times պարբերականը:
Պատերը գլխավորապես կազմված են մեծահասակ մարդկանց ազդրոսկրերից եւ սրունքոսկրերից, ընդ որում՝ դրանց միջեւ տարածությունը լցված է գանգերով:
Նախնական տեղեկություններով՝ մասունքները թվագրվում են XV դարի երկրորդ կեսով, միաժամանակ հնագետները «ոսկրային պատերի» կառուցման ժամանակը վերագրում են XVII-XVIII դարերին:
Գիտնականների ենթադրությամբ՝ այս պատերը կառուցվել են եկեղեցու գերեզմանոցը մաքրելիս, երբ տեղ են ազատել նոր թաղումների համար: Հետազոտողներից մեկը՝ Յանիեկ դե Գրիզեն, պարզաբանել է, որ գերեզմանոցները մաքրելիս չէր կարելի ոսկորները թափել, ուստի դրանց համար ստեղծել են կմախքացած մասունքները պահելու հատուկ վայրեր:
«Բելգիայում այս գտածոն յուրահատուկ է»,- նշել է հնագիտական խմբի ներկայացուցիչ Ռուբեն Վիլաերթը:
Arqueólogos encuentran un muro hecho con huesos humanos en la catedral de Saint-Bavo en la ciudad belga Ghent. Se cree que son restos sacados del cementerio adyacente para hacer espacio para nuevas tumbas hace 500 años. pic.twitter.com/5AQHaAUItR
— Roberto Rodríguez M. (@esosiquetetengo) February 18, 2020