ԱՄՆ նախագահ Դոնալդ Թրամփի նախկին խորհրդական Ռոջեր Սթոունը 40 ամսվա բանտային ազատազրկման է դատապարտվել այն բանից հետո, երբ արդարադատության նախարարությունը հրաժարվել է յոթ տարվա պատժի իր սկզբնական խորհրդատվությունից, հայտնում է AP-ը։
Սթոունին մեղադրում են Կոնգրեսին սուտ ցուցմունքներ տալու, 2016թ․ ընտրություններին ռուսական միջամտության գործով Ներկայացուցիչների պալատի կողմից անցկացվող հետաքննությանը խոչընդոտելու մեջ։ Նա հերքում է բոլոր մեղադրանքները՝ դրանք համարելով քաղաքական դրդապատճառներ ունեցող։
Դոնալդ Թրամփն ավելի վաղ հայտարարել էր, թե այն ինչ կատարվում է Սթոունի հետ, անարդար է եւ չպետք է կրկնվի։
Սթոունը դարձել է Թրամփի վեցերորդ օգնականը կամ խորհրդականը, որին մեղադրանքներ են ներկայացվել «ռուսական միջամտության» գործով Ռոբերտ Մյուլլերի հատուկ հետաքննության արդյունքներով։