2023 թվականին Մեծ Բրիտանիայում կարգելվի բուխարիներն ու վառարանները վառելու համար ածխի ու խոնավ փայտի վաճառքը մթնոլորտում վնասակար արտանետումները կրճատելու համար, հաղորդում է Gazeta –ն՝ հղում անելով itv news-ին։

Շրջակա միջավայրի պահպանության ոլորտում փորձագետների տվյալներով՝ խոնավ փայտ եւ ածուխ վառելու պատճառով բրիտանացիների տանն արտազատվում են նյութեր, որոնք ներթափանցում են արյան եւ թոքերի մեջ ու առաջացնում լուրջ հիվանդություններ։

Նշվում է, որ վառարաններում եւ բուխարիներում վառելիքի այդ տեսակի այրման հետեւանքով արտանետումների քանակությունը Մեծ Բրիտանիայում երեք անգամ ավելին է՝ ի տարբերություն երկրում գոյություն ունեցող բոլոր ավտոմեքենաների։

Փորձագետների խոսքով՝ չոր փայտի օգտագործումը թույլ է տալիս բարելավել միլիոնավոր մարդկանց առողջությունը։