Հարավային Կորեայի ԱԳՆ ղեկավարը կոչ է արել արագ վերսկսել Վաշինգտոնի եւ Փհենյանի՝ փակուղի մտած բանակցությունները՝ հավելելով, որ երկրի կառավարությունը պատրաստ է երկխոսությանն աջակցելու նպատակով համագործակցել Փհենյանի հետ, հաղորդում է Reuters-ը:
Նա նշե է, որ երկրի նպատակը Կորեական թերակղզում լրիվ ապամիջուկայնացումն է: «ԱՄՆ-ի եւ ԿԺԴՀ-ի միջեւ բանակցությունների շուտափույթ վերսկսումը որոշիչ նշանակություն ունի, մենք կողմերին կոչ ենք անում ազդակ հաղորդել երկխոսությանը: Մենք պատրաստ ենք աջակցել Հյուսիսային Կորեային»,- նշել է նա: