Միացյալ Նահանգներում կորոնավիրուսի վարակի 15 դեպք է գրանցվել, մեկ մարդ «բավականին հիվանդ է», - լրագրողներին ասել է ԱՄՆ նախագահ Դոնալդ Թրամփը, հայտնում է «ՌԻԱ Նովոստի»-ն:

«Մեզ մոտ ընդամենը 15 է (հիվանդ) ... 15 հիվանդներից, ես նրանց օրիգինալ հիվանդներ եմ անվանում, ութը վերադարձել են տուն, որտեղ կգտնվեն մինչեւ լիարժեք ապաքինումը: Մեկը հիվանդանոցում է, հինգն ամբողջովին բուժվել են: Եւս մեկը այդքան էլ վատ վիճակում չէ` «հիվանդանոցի եւ տան միջեւ» վիճակում… Մեկը շատ հիվանդ է: Հուսով եմ, որ նա կառողջանա: Բայց մնացածը հիանալի վիճակում են»,- ասել է նա:

Թրամփը հավելել է, որ յուրաքանչյուր տարի սովորական գրիպից մինչեւ 69 հազար մարդ է մահանում: Ըստ նրա` ԱՄՆ-ն պատրաստ է ընդլայնել նոր կորոնավիրուսի մասշտաբները եւ համապատասխան պատվաստանյութ են մշակում:

Թրամփի վարչակազմը Կոնգրեսից 2.5 միլիարդ դոլար է պահանջել՝ կորոնավիրուսի դեմ պայքարի եւ պատվաստանյութի մշակման նպատակով: Դեմոկրատները Սենատում քննադատել են Թրամփին` իրենց կարծիքով, ոչ բավարար հայցադիմումների համար, եւ, իրենց հերթին, առաջարկել են 8.5 միլիարդ դոլար ծախսել այդ նպատակով: Թրամփը շնորհակալություն է հայտնել Կոնգրեսին` այս կարիքների համար ավելի շատ միջոցներ հատկացնելու պատրաստակամության համար: