Chipset նորոգման կենտրոն ինը տարի իրականացնում է տարբեր բրենդերի սպասարկում, հանդիսանում է Apple-ի լիազորված միակ սերվիս կենտրոնը Հայաստանում: Apple-ը կենտրոնին ապահովում է գործարանային պահեստամասերով, ինչը, թերեւս ենթադրում է ցանկացած գաջեթի նորոգման բարձր որակ: «Մինչեւ նորոգումը, նաեւ դրանից հետո՝ տեխնիկան տեստավորվում է, այն վստահությամբ, որ վերադարձվող տեխնիկայի մեջ նոր խնդիրներ գոյություն չունեն», -նշում է Սուրեն Պարակեսիկովը: Նա կենտրոնի գլխավոր ինժեներն է, բացման օրից այստեղ է աշխատում, բազմաթիվ որակավորումներ ունի, մասնագիտացել է Apple ապրանքանիշի տեխնիկայի մեջ:
Ի դեպ, այստեղ բոլոր ինժեներներն ամեն տարի վերապատրաստվում են, գործընթացն օնլայն է կատարվում, համապատասխան որակավորումը եւ տեստը հանձնելուց հետո միայն Apple-ը թույլ է տալիս աշխատանքը շարունակել սպասարկման կենտրոնում: Նորեկների առջեվ եւս խիստ են դրված պայմանները, անկախ ունեցած որակավորումից, մասնագետը աշխատանքի անցնելուց առաջ հատուկ դասընթացների է մասնակցում, քննությունը հաջողությամբ հանձնելու դեպքում միայն իրավունք ստանում նորոգել բրենդի սարքերը: Սուրենը եւս, անկախ իր բազմամյա փորձից, ամեն տարի հանձնում է տեստեր, որն, իր խոսքով նպաստում է մասնագիտական աճին:
«Հաճախորդը միանշանակ կարող է վստահ լինել, որ իր անսարք տեխնիկան գտնվում է ապահով ձեռքերում, ինչն, իհարկե, չի վերաբերում այն բազմաթիվ մասնավոր նորոգման կետերին, որոնք անհայտ ծագման պահեստամասերով են աշխատում, հաճախ ավելի վնասելով սարքը»,- ասում է Սուրենը, նշելով, որ քիչ չեն դեպքերը, երբ պահեստամասերը ոչ միայն ցածրորակ են , այլ նաեւ մեկ անգամ վերականգնված, նորոգված, իսկ պաշտոնական սերվիս կենտրոնում նման երեւույթ բացառում է:
Այստեղ բոլոր պահեստամասերը տրամադրում է արտադրողը, ինչը դրական է ազդում արված աշխատանքի որակի վրա, հետագայում ծագող խնդիրներն էլ լինում են մինիմալ: Հարկ է նշել, որ ոչ լիազորված սպասարկման կենտրոններից օգտվելու դեպքում հաճախորդը կարող է զրկվել իր երաշխիքային սպասարկումից: Այդ ամենից խուսափելու համար Սուրենը խորհուրդ է տալիս օգտվել բացառապես լիազորված սպասարկման կենտրոններից, սարքերը գնել միայն ապրանքանիշի պաշտոնական խանութ սրահներից: Մասնավոր նորոգման կենտրոններում գուցե սպասարկումը զգալիորեն մատչելի է, սակայն, մասնագետները հավատացնում են, որ հետագա խնդիրները անխուսափելի են:
Ի դեպ, Սուրենը եւս Apple-ի սիրահար է, առաջին հերթին նշում է օգտագործման մատչելիությունը, մենյուն պարզ ու հասկանալի է , օգտագործման հետ ոչ մի բարդություններ չեն ծագում, թեեւ խնամքով է օգտագործում հեռախոսը, այլ նաեւ երբեւէ խափանումներ չեն եղել:
Այստեղ ոչ պակաս կարեւորվում է նաեւ խորհրդատուների աշխատանքը: Սկզբում անձնակազմը դիմավորում է հաճախորդին, զրուցում, հասկանում խնդիրը, ապա խոտանված տեխնիկան անցնում է նախնական զննում, գրանցվում համակարգում, ախտորոշումից հետո համաձայնեցվում է ժամկետը եվ արժեքը, պատրաստ սարքավորումը վերադարձվում է սարքին վիճակում՝ տրամադրելով մեկ ամիս երաշխիք փոխարինված պահեստամասերի համար: Հաճախորդների հետ աշխատանքը լարված, միաժամանակ հաճելի է. նշում է Անին, մտովի վերհիշում զավեշտալի, հետաքրքիր դեպքեր, օրինակ՝ երբ գաջեթի կամ հեռախոսի վնասված էկրանը հաճախորդները փորձում են ներկայացնել իբրեւ տեխնիկայի գործարանային դեֆեկտ, հաճախ է պատահում, երբ նորոգման են բերում ջրից վնասված սարքեր: Նման դեպքեր արդեն քիչ է պատահում Apple-ի արտադրանքի հետ: Ընկերությունը լուծել է այս հարցը, նոր մոդելի հեռախոսները զգալի ջրադիմացկուն են, ինչն այսօր շատերին է հրապուրում:
Iphone հեռախոսների ջրադիմացկունությունը գրավել է նաեվ կենտրոնի խորհրդատուներից ՝Արեգնազին, նա եւս Iphone-ի մեծ սիրահար է: Մյուս հեռախոսների համեմատ բոլոր ֆունկցիաները պարզեցված են Iphone-ի ցանկացած մոդելում, ասում է աշխատակցուհին: Արեգնազի ծանոթությունը Iphone-ի հետ եղել է տարիներ առաջ, երբ ձեռք է բերել 4-րդ սերնդի մոդելը: Որոշել է անդավաճան մնալ Iphone ապրանքանիշի հեռախոսներին այն դեպքից հետո, երբ հեռախոսը պատահաբար ընկել է չորրորդ հարկից ու չի վնասվել: Մինչ օրս հեռախոսն աշխատում է: Արեգնազն ասում է, իբրեվ տեխնիկայի սպասարկման աշխատակից, նրան հաճախ են դիմում խորհրդի համար: Այդ դեպքից հետո, շատերին է վստահորեն խորհուրդ տալիս ձեռք բերել միայն Apple ընկերության տեխնիկա, այնուամենայնիվ, հաստատում է Apple-ն այսօր մեծ մասսայականություն է վայելում մեր հանրության, հատկապես հայ երիտասարդների շրջանում: Apple ապրանքանիշն իր սարքերով համաշխարհային, մասնավորապես հայաստանյան շուկայում առաջատար դիրքերում է:
Ձեռք բերված Apple ապրանքանիշի տեխնիկան անմիջապես պաշտոնական ներկայացուցչից է գնված թե ոչ, մասնագետները խորհուրդ են տալիս http://isupport.am կայքից: Այն բաց է յուրաքանչյուրի համար, պարզապես պետք է մուտքագրել սարքի սերիական համարը: Ի դեպ, միայն MOBILE CENTRE ART, ZIGZAG, ISTORE, VEGA, UCOM, MTS ARMENIA, VEON ARMENIA խանութ սրահներից կարելի է ձեռք բերել Apple ընկերության պաշտոնական տեխնիկա: