Արտակարգ դրության պայմաններում հանրաքվե տեղի ունենալ չի կարող: Այս մասին, այսօր՝ մարտի 16-ին, ԱԺ հատուկ նիստում Արտակարգ դրություն հայտարարելու մասին կառավարության որոշման քննարկման ժամանակ հայտարարեց ՀՀ վարչապետ Նիկոլ Փաշինյանը:
«Հանրաքվեն տեղի կունենա արտակարգ դրության ավարտից հետո ոչ շուտ 50 եւ ոչ ուշ, քան 65 օր հետո: Այսինքն, ըստ էության, հանրաքվեի պրոցեսը կշարունակվի այն կետից, որ կետում ավարտվել էր»,-ասաց նա:
Նշենք, որ այսօր ժամը 18.30-ից մինչեւ ապրիլի 14-ը ՀՀ տարածքում արտակարգ դրություն է հաստատվել: