Մարտի 25-ին Ազգային ժողովը երկրորդ եւ վերջնական ընթերցմամբ չընդունեց «Տեղական ինքնակառավարման մասին» օրենքում փոփոխությունները: Փոփոխություններին աջակցեց 36 պատգամավոր, դեմ հանդես եկավ 77-ը:

Խորհրդարանի քննարկմանը դրված օրինագիծը, նախաձեռնության հեղինակ, «Լուսավոր Հայաստանի» պատգամավոր Անի Սամսոնյանի կարծիքով, թույլ կտար ընդլայնել ՀՀ համայնքների ավագանիների լիազորությունները:

Հիշեցնենք, որ տվյալ օրինագծով առաջարկվում էր ավագանու խորհուրդներին լիազորել իրենց որոշմամբ հաստատել նվիրատվությունները, բայց միայն այն դեպքում, եթե նվիրատուն համայնք է, իսկ նվիրատվության արժեքը գերազանցում է 1 միլիոն դրամը,  ինչից հետո միայն նվիրատվության մասին պայմանագիրը կարելի է կնքված համարել, իսկ նվերը` ընդունված: