Ալժիրի վերաքննիչ դատարանը ուժի մեջ է թողել երկու նախկին վարչապետների դատավճիռները աննախադեպ կոռուպցիոն գործի շրջանակներում, հայտնում է AFP-ն:
Ալժիրի դատարանը Ահմեդ Ույահիային եւ Աբդելմալեք Սելալին դատապարտել է համապատասխանաբար 15 և 12 տարվա ազատազրկման` հաստատելով անցյալ տարվա դեկտեմբերի 10-ին ստորին ատյանի դատարանի կողմից կայացրած որոշումը:
Երկու վարչապետները ծառայում էին նախագահ Աբդելազիզ Բութեֆլիքի օրոք, որը ստիպված էր եղել պաշտոնաթող լինել անցյալ տարվա ապրիլին` հինգերորդ ժամկետի մասին իր առաջարկի դեմ բողոքի ցույցերից հետո:
Այժմ նրանք ութ օր ժամանակ ունեն Գերագույն դատարան դիմելու համար: