Japan Airlines-ում ընկերությունում աշխատող բորտ-ուղեկցորդուհիները կստանան հնարավորություն տաբատ կրել եւ հրաժարվել բարձրակրունկներից, հայտնել է ընկերությունը:

Ավիաընկերությունը ճապոնական խոշորագույն ընկերություններից մեկն է, որ հայտարարել է փոփոխությունների մասին #KuToo անունով հայտնի արշավից հետո, որը կոչ էր արել հրաժարվել աշխատավայրում պարտադիր բարձրակրունկներ կրելուց՝ հավաքելով ավելի քան 32 000 ստորագրություն առցանց ստորագրահավաքում, հաղորդում է Thomson Reuters Foundation-ը:

Ընկերությունը հայտարարել է, որ փոփոխությունը, որն ուժի մեջ կմտնի ապրիլին, թույլ կտա շուրջ 6000 անձնակազմի անդամ-կանանց ընտրել կոշիկներ, որոնք առավելագույնս կհամապատասխանեն նրանց կարիքներին անկախ նրանից՝ բարձրակրունկ են, թե ոչ:

#KuToo արշավն առաջին պլան էր բերել Ճապոնիայում կանանց գեղեցկության խիստ ստանդարտները՝ զբաղեցնելով 153 երկրներից 121-րդ տեղը Համաշխարհային տնտեսական ֆորումի գլոբալ գենդերային տարանջատման վերջին ինդեքսում:

Հեշթեգը հիմնված է ճապոնական բառախաղի վրա՝ «կուցու»՝ կոշիկ, եւ «կուցուու»՝ ցավ:

Վարչապետ Սինձո Աբեն հայտարարել է, որ կինը չպետք է տառապի դրես-կոդի պահանջների պատճառով: