ՀՀ պարետի` 2020թ. մարտի 27-ի N 19 որոշմամբ հաստատվել է տնտեսական գործունեության այն տեսակները, որոնցով թույլատրվում է զբաղվել արտակարգ դրության ռեժիմում: Այս մասին ֆեյսբուքյան իր էջում գրառել է ՀՀ պարետ Տիգրան Ավինյանը.
«Տնտեսական գործունեության չարգելված տեսակներով թույլատրվում է զբաղվել բացառապես այս որոշմամբ սահմանված սանիտարահամաճարակային կանոնների պահպանման պայմանով։ Խախտումների դեպքում առանձին տնտեսվարող սուբյեկտների գործունեությունը կարող է ժամանակավորապես դադարեցվել։
Սահմանել ենք նաև կուտակումների բացառման, հաճախորդներին դիմակներով սպասարկելու, մեր ավագ սերնդի ներկայացուցիչների անվտանգության ապահովման և այլ պահանջներ։
Խնդրում եմ եղեք զգոն ու աչալուրջ՝ հանուն բոլորիս առողջության և անվտանգության»։