2019-ին հանցագործությունների թվի զգալի աճ է գրանցվել Հայաստանի Լոռու մարզում, որն իմ ծննդավայրն է: ՀՀ Ազգային ժողովում Պետաիրավական հարցերի մշտական խորհրդարանական հանձնաժողովի նիստին «ՀՀկառավարության կողմից 2019 թվականի փետրվարի 8-ի N 65-Ա որոշմամբ հաստատված ՀՀ կառավարության 2019 թվականի ծրագրի կատարման ընթացքի եւ արդյունքների մասին» զեկույցի քննարկման ժամանակ այս մասին ասաց «Լուսավոր Հայաստան» կուսակցության անդամ Տարոն Սիմոնյան:
Պատգամավորի խոսքով` մեկ տարվա ընթացքում մարզում մի քանի «ավազակային հարձակում» է գրանցվել:
«Հետաքրքիր է, որ բոլորը գիտեին, թե ով է կատարում այդ հանցագործությունները, բայց այդ երեւույթների դեմ պայքարը պատշաճ կերպով չի իրականացվել: Դա շատ հաճախ պայմանավորված էր ոստիկանության աշխատակիցների մոտ ցանկության եւ պատրաստակամության, մոտիվացիայի բացակայությամբ, աշխատավարձերի ցածր մակարդակով եւ շատ այլ բաներով»,- ընդգծեց Սիմոնյանը:
Ի պատասխան, ՀՀ արդարադատության նախարար Ռուստամ Բադասյանը հայտարարեց, որ խորհրդարանականն այս պահանջով պետք է դիմի ոստիկանապետին` համապատասխան պարզաբանումներ ստանալու համար: