Ընտրությունները եւ քարոզարշավը ցույց տվեցին, որ Ղարաբաղում բոլոր քաղաքական ուժերը եւ դրանց մասնակցած քաղաքական գործիչները մեծ ուշադրություն են դարձնում քարոզարշավին: Այս մասին ապրիլի 1-ին Ստեփանակերտում կայացած համատեղ ասուլիսին ասաց ՀՀ Հեռուստատեսության եւ ռադիոյի հանձնաժողովի նախագահ Տիգրան Հակոբյանը:
Ըստ նրա` սա այն գործոնն է, որը ցույց է տալիս, որ ընտրություններն անցնում են ազատ եւ մրցակցային պայքարի պայմաններում:
«Ես ձեզ ավելի վառ օրինակ կբերեմ: Այս ընտրությունների ժամանակ գովազդի գինը` ինչպես Հանրային հեռուստատեսությունում, այնպես էլ մասնավոր հեռարձակողի մոտ, եթե համեմատենք Հայաստանի բնակչության կամ Երեւանի բնակչության հետ, ապա 2018 թվականի խորհրդարանական ընտրությունների քարոզարշավի համեմատ, քաղաքական գովազդն այստեղ 2-4 անգամ ավելի թանկ էր Հայաստանում նույն գովազդի արժեքից»,- նշեց Հակոբյանը: