Մեծ Բրիտանիայի վարչապետ Բորիս Ջոնսոնը հայտարարել է, որ չի ապաքինվել կորոնավիրուսից ինքնուսուսացման մեջ անցկացրած մեկ շաբաթվա ընթացքում: Տեսանյութում, որը Կառավարության ղեկավարն ուրբաթ օրը հրապարակել է Twitter-ի իր էջէին, նա ասել է, որ դեռ բարձր ջերմություն ունի` չնայած ինքնազգացողության ընդհանուր բարելավմանը:
«Չնայած ես արդեն ավելի լավ եմ զգում եւ յոթ օր մեկուսացման մեջ եմ անցկացրել, ցավոք սրտի, ախտանիշներից մեկը` ջերմաստիճանը, դեռ պահպանվում է: Ուստի, կառավարության հրահանգների համաձայն, պետք է շարունակեմ մեկուսացնել ինձ ուրիշներից` մինչեւ վերջին ախտանիշը չվերանա», - ասել է Ջոնսոնը, փոխանցում է ՏԱՍՍ-ը:
Բացի Ջոնսոնից, կորոնավիրուս էր ախտորոշվել նաեւ Ուելսի թագաժառանգ արքայազն Չարլզի եւ երկրի առողջապահության նախարար Մեթ Հենքոկի մոտ, ովքեր արդեն ապաքինվել են: Ինքնամեկուսացման մեջ են գտնվում Շոտլանդիայի հարցերով Մեծ Բրիտանիայի նախարար Ալիսթեր Ջեքը, Անգլիայի գլխավոր սանիտարական բժիշկ Քրիս Ուիթին, վարչապետի գլխավոր խորհրդական Դոմինիկ Քամինգսը: Ըստ բրիտանական իշխանությունների տվյալների` ապրիլի 2-ի դրությամբ երկրում կորոնավիրուսով վարակվածների թիվը հասել է 33.718-ի, գրանցվել է մահվան 2.921 դեպք:
Another quick update from me on our campaign against #coronavirus.
— Boris Johnson #StayHomeSaveLives (@BorisJohnson) April 3, 2020
You are saving lives by staying at home, so I urge you to stick with it this weekend, even if we do have some fine weather.#StayHomeSaveLives pic.twitter.com/4GHmJhxXQ0