Ռուսաստանում ՀՀ դեսպանատունն իր ֆեյսբուքյան էջում հրապարակել է տեսագրություն և հետևյալ գրառումը կատարել.

«Մեր քաղաքացիները, ովքեր «Դոմոդեդովո» օդանավակայանից տեղափոխվել են մերձակա «Մոլոկովո» հյուրանոց»:

Կարճ տեսանյութից երևում է, որ մեր հայրենակիցները, ովքեր չվերթների չեղարկման պատճառով ստիպված էին ընտանիքներով գիշերել օդանավակայանում, գոհ են իրենց պայմաններից։

Ավելի վաղ դեսպանատունը հայտարարել էր, որ ՌԴ կառավարության կողմից «Ռեդ Վինգս» ավիաընկերությունը ձեռք է բերել մեկանգամյա թույլտվություն ապրիլի 6-ին, Մոսկվայի ժամանակով ժամը՝ 15:40-ին, կազմակերպելու Մոսկվա-Երևան չարտերային թռիչքը (WZ4323), որով կարող են Հայաստան վերադառնալ բացառապես ՌԴ-ում գտնվող ՀՀ քաղաքացիները: