Հայաստանի ԱԻՆ-ում, այսօր՝ ապրիլի 9-ին, ժամը 01:43-ին Ճգնաժամային կառավարման ազգային կենտրոն ահազանգ է ստացվել, որ Լոռու մարզի Ալավերդի քաղաքի Սանահին-Սարահարթ թաղամասի թիվ 2/8 շենքի մոտակայքում այրվում է ավտոտնակ:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ Սանահին-Սարահարթ թաղամասի թիվ 2/2 շենքի մոտակայքում այրվում է ոչ բնակելի վագոն-տնակ (մոտ 18 քմ)։

Հրդեհը մեկուսացվել է ժամը 03։02-ին, մարվել՝ 07։29-ին։ Ամբողջությամբ այրվել է վագոն-տնակը և մոտակայքում գտնվող հավաբունը՝ մասամբ: