Իրական կյանքում Ռուսաստանում խաղի կանոնները մի փոքր տարբերվում են փաստացի օրենսդրությունից: Այս մասին մարտի 10-ին Հայաստանի Ազգային ժողովում Տարածաշրջանային եւ եվրասիական ինտեգրման հարցերի մշտական խորհրդարանական հանձնաժողովի նիստին «Հայաստանի Հանրապետության` «Եվրասիական տնտեսական հանձնաժողովի կողմից մրցակցության միասնական կանոնների պահպանման նկատմամբ հսկողության լիազորություններն իրականացնելիս գաղտնի տեղեկատվության պաշտպանության կարգի և դրա հրապարակման համար պատասխանատվության մասին» 2014 թվականի նոյեմբերի 12-ի համաձայնագրին միանալու մասին» արձանագրությունը վավերացնելու մասին» հարցի քննարկման ժամանակ ասաց ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գեւորգյանը` պատասխանելով հանձնաժողովի նախագահ, «Բարգավաճ Հայաստան» կուսակցության պատգամավոր Միքայել Մելքումյանի հարցին, թե ինչու են ռուսական սուպերմարկետները պահանջում միջնորդ կազմակերպությունների մասնակցությունը` ռուսական շուկայ հայկական ապրանքներն ընդունելու համար, այլ անմիջապես չեն ընդունում հայկական ապրանքներ` առանց որեւէ միջնորդների:
Տնտեսական մրցակցության պաշտպանության պետական հանձնաժողովի նախագահը նշեց, որ իրենք նույնպես նման տեղեկություններ ունեն: «Սակայն մենք երբեմն արտահանում ենք որոշակի ապրանքներ, որոնք չեն համապատասխանում Ռուսաստանի չափանիշներին»,- ասաց Գեւորգյանը: Միեւնույն ժամանակ, նա ներկայացրեց հայկական կողմի առաջարկած լուծումները: Այդպես, ըստ նրա, իրենք հստակ համաձայնագրեր ունեն Ռուսաստանի Դաշնության հակամենաշնորհային ծառայության հետ այն մասին, որ կողմերը կարող են լուծել այս խնդիրը երկու եղանակով` ԵԱՏՄ շրջանակներում կամ նաեւ համապատասխան համաձայնագիր ստորագրեն:
«Սակայն այս պայմանագրի ստորագրումը հետաձգվեց կորոնավիրուսի պատճառով»,- պարզաբանեց ՏՄՊՊՀ ղեկավարը: