Կարո՞ղ եք ասել, թե մեկ կգ ծիրանի ինքնարժեքը ինչքան է նստում: Այս մասին այսօր՝ մայիսի 23-ին, Արարատի մարզի Քաղցրաշեն համայնքում դիմելով գյուղացիներին, ասաց ՀՀ վարչապետ Նիկոլ Փաշինյանը:
«Էսօր Հայաստանում շատ քիչ գյուղացի կա, որ գիտի իր գործի հախուհաշիվը: Գյուղատնտեսությամբ պետք է զբաղվել թուղթուգրիչով: Տակը հաշվարկ պետք է լինի»,-ասաց նա:
Գյուղացիներից մեկը հիշեցրեց, որ նախորդ տարի իրենք ջրի հարողվ եկել էին կառավարության դիմաց ցույց էին անում, իսկ ՏԿԵ նախարար Սուրեն Պապիկյանը կառավարության նիստում հայտարարեց, որ ձրի ջուր են ուզում, փողը չեն տալիս:
Պապիկյանը, ով եւս Քաղցրաշենում էր, կրկնեց իր խոսքը՝ նշելով. «Ես ցուցակն ունեմ, մարդիկ ունեին պարտքեր, ու ասում էին՝ ջուր տուր: Չէին ուզում պարտքը վճարել»: