Եվրոպական հանձնաժողովը Եվրամիության հաջորդ երկարաժամկետ բյուջեի եւ կորոնավիրուսի համավարակից տուժած տնտեսության վերականգնման ֆոնդի համար առաջարկել է 1,85 տրլն եվրո ընդհանուր գումարով փաթեթ, փոխանցում է Reuters-ը:
«Հանձնաժողովն այսօր առաջարկում է ԵՄ թարմացված երկարաժամկետ բյուջեի շրջանակում վերականգնման նոր գործիք՝ Next Generation EU անվանումով: Վերականգնման եվրոպական այս ծրագիրն ընդհանուր առմամբ կներդնի 1,85 տրլն եվրո, որպեսզի օգնի գործարկել մեր տնտեսությունը եւ ապահովել Եվրոպայի առաջընթացը»,- նշված է Եվրահանձնաժողովի հայտարարության մեջ: