Վարչապետ Նիկոլ Փաշինյանն ու Սուրբ Աթոռում ՀՀ նախկին դեսպան Միքայել Մինասյանը «ստատուսներ են փոխանակել»։

Փաշինյանն իր ֆեյսբուքյան էջում կիսվել է այսօր՝ մայիսի 27–ին, Ազգային ժողովում հարցուպատասխանի ժամանակ Հայաստանից արտահանված մաքսանենգ ծխախոտի վերաբերյալ հարցի տեսանյութով և հետևյալ գրառումն արել.

«Սերժը Միշիկից, տատիկը Սերժից, թոռնիկը տատիկից, փիսիկը թոռնիկից, մուկը փիսիկից. հա քաշեցին, քաշքշեցին, Միշիկին ցեխից չհանեցին»։

Սրան իր պատասխան՝ Միքայել Մինասյանը կիսվել է Փաշինյանի ստատուսով ու գրել.

«Որքան եփես, ականջները միևնույն է հում են մնում...

Ու այս անմակարդակ խփնվածը պնդում է, որ ինքն առաջնո՞րդ է։ Երկրի անվտանգության երաշխավո՞ր... Երկիրը համավարակից պաշտպանո՞ղ… Լու՞րջ:

Իսկ միայն այսօր մենք ունենք 12 մահ: 12 մարած ճակատագիր: 12 որբացած ընտանիք:

Իսկ թիվ մեկ պատասխանատուն շաղգամ է խաղում: Ցավալի է: Շատ»: